Il viaç dai piçui cul Molino Rosenkranz

Par l’Istât, il Molino Rosenkranz al propon un “viaç” speciâl cun cetantis compagniis di teatri dal F-Vj e di altris regjons, dai 13 di Jugn ai 24 di Lui, in parcs, zardins e altris puescj dal teritori, cun spetacui e laboratoris par fruts, zovins e fameis. Rivade ae decime edizion, la rassegne “Fila a teatro” e larà a Feagne, Manià, S. Denêl, Spilimberc… par siet apontaments sore nuie, fats di storiis fantastichis. Si tache cuntune prime che e à vinçût il premi “Eolo” tal 2023: il spetacul “Arcipelago”, tal parc Rigutto di Manià (o tal teatri “Verdi” se al plûf). Dome par chest spetacul, bisugne segnâsi, telefonant al numar 0434-574459 o scrivint une email a: mr@molinorosenkranz.it. (A.I.) – 12.06.2024