Atôr afermât di cine e teatri, straordenari Premi Oscar dal cine “Mediterraneo” dal 1991 zirât dal regjist Gabriele Salvatores, Giuseppe Cederna al debute tal Teatri “Pasolini” di Çarvignan cul spetacul “Storia di un corpo, il viaggio di una vita” (Storie di un cuarp, il viaç di une vite), gjavât fûr dal libri di Daniel Pennac, in sene vinars ai 10. Intal adatament e pe regjie di Giorgio Gallione, al è un percors dentri di une esistence tra pinsîrs, ricuarts, emozions e sensazions, contâts traviers i siei cambiaments fisics. Une confession e intune ancje une analisi, fisiche e emozionâl, che un pari al lasse a sô fie, scrite di dodis agns fint ai ultins dîs de sô vite. Une narazion dulà che, traviers lis sôs scuviertis e lis sôs mutazions, il cuarp dal protagonist al cjape la sene in maniere progressive. (A.I.) – 08.01.2025
Foto di M. Groppo
