Si intitule “Viaggiatori nel tempo. Il Friuli Venezia Giulia compendio del Novecento” (Viazadôrs intal timp. Il Friûl-Vignesie Julie compendi dal Nûfcent) il progjet realizât de Universitât dal Friûl e Friuli Storia pe direzion sientifiche dal storic Tommaso Piffer, cul contribût de Regjon e di Promoturismo F-Vj. Une iniziative che e trasforme il teritori regjonâl intune straordenarie machine dal timp, par disfueâ la storie europeane dal “secul curt”, movintsi sul teritori: des trinceis de Mont S. Michêl ae Risiere di San Sabba, de Place Transalpine al sacrari di Redipulie, passant pai tancj museus. Lu dimostrarà la produzion documentarie in vot pontadis che di miercus ai 26 di Jugn si podarà viodi su Telefriuli, metude in onde in grups di dôs pontadis di 12 minûts ognidune fint a miercus ai 17 di Lui aes 10 sore sere, cun replichis ae 1 dopomisdi’ la joibe e il vinars dopo. Lis pontadis metudis in onde su Telefriuli a saran ancje di podê scjariâ in rêt su uniud.it/viaggiatori, tacant dai 26 di Jugn. (A.I.) – 25.06.2024
Foto di L. Zoppolato
