Intal gnûf cine di Comodin ‘la leç’ e fevele furlan

Il regjist Alessandro Comodin al torne intal so Friûl par presentâ martars ai 24, aes 8 di sere, al Visionario di Udin e miercus ai 25 aes 9 a Cinemazero di Pordenon il so gnûf cine “Gigi la legge”, za premi speciâl de jurie al Festival di Locarno e candidât tant che “miôr documentari” ai David di Donatello. Nassût a sant Vît dal Tiliment,40 agns, intal gnûf cine – dulà che si fevele ancje furlan – al propon une comedie suntune vuardie urbane ‘soversive’, dilunc dal confin jenfri Friûl Vignesie Julie e Venit, interpretât dal vêr barbe dal regjist, Pier Luigi Mecchia. Zirât ancje in Friûl, al è “un toc di vite di confin, dulà che i protagoniscj a fevelin ancje furlan, parcè che e je la uniche lenghe pussibile”. (A.I.) – 23.01.2023