Intal Infier di Dante cuntun pâr di visôrs

Al va indevant cu la lungje tournée intal circuit dal ERT di “Nel mezzo dell’Inferno” (Intal mieç dal Infier), il spetacul in realtât virtuâl imersive dulà che il public, metintsi sù un pâr di visôrs, al fâs un viaç inte opare di Dante Alighieri. Dopo lis datis di Glemone e Sacîl, il spetacul al larà in sene di martars ai 11 fint a domenie ai 16 tal Teatri “Candoni” di Tumieç, cun turnis di 40 minûts des 3 di dopomisdì aes 10.20 sot sere. La produzion dal CSS di Udin firmade di Fabrizio Pallara – che al è ancje il regjist – e di Roberta Ortolan e sarà po dopo ospitade tal Auditorium “Marin” di Grau dai 4 ai 6 di Avrîl. (A.I.) – 10.03.2025

Dissen di M. Racozzi