“Jazzinsieme” cheste volte al rive a Pordenon

Daspò dal sucès a Pordenon, “Jazzinsieme” al torne di miercus ai 28 e fin al prin di Setembar a Spilimberc, cun cinc dîs di musiche dal vîf tra jazz, blues e un tic di rock, ducj concierts a jentrade libare. Il festival inmaneât de associazion culturâl Blues in Villa al previôt concierts intai locâi dal centri il dopomisdì e in Place Garibaldi la sere (o ben, tal Teatri Miotto se al plûf). Il cartelon al cjape dentri vot concierts di cualitât. Si scomence miercus ai 28 cul progjet “Jelly Roll Plays Morton” fat di un cuintet vuidât di Helga Plankensteiner. Il dì dopo, il New Think Jazz Quartet nassût de colaborazion tra il pianist e compositôr Bruno Cesselli e il baterist Maurizio Pagnutti, vinars ai 30 il zovin talent francês Kevin Davy White e sabide ai 31 une vere stele de vôs: Gegè Telesforo, cul so gnûf progjet “Big Mama Legacy”, dedicât a un circul storic di Rome atîf dai agns ’80 e sierât cu la pandemie. (A.I.) – 26.08.2024