La academie di arcs “Arrigoni” a Manzan

E va indevant cu la musiche la stagjon associade “Noi Cultura e Turismo”. Vinars ai 13 inte Aule grande des Scuelis Mediis di Manzan e sunarà la Academie di Arcs “Arrigoni” direte di Domenico Mason, che dal 2009 e forme musiciscj zovins sedi inte suaze de musiche di cjamare sedi di chê orchestrâl, cun Christian Sebastianutto al violin solist. Il conciert al è inmaneât de associazion RiMe MuTe e dal Circuit dal ERT. Il program de serade al è dedicât a musichis di Tchaikovsky, Waxman, Vivaldi e Mozart e si disvilupe su dôs liniis tematichis che a ricorin inte musiche culte: il filon virtuosistic leât al violin e l’intratigniment. (A.I.) – 11.12.2024