La academie ‘Nico Pepe’ premiade a Casablanca

Un ricognossiment impuartant e prestigjôs pe Academie di art dramatiche ‘Nico Pepe’ di Udin al Festival internazionâl di teatri di Casablanca: a Claudio de Maglio, autôr de dramaturgjie e regjist dal spetacul presentât, “Diabolik Comedy”, i è stât assegnât il premi pe regjie “Direction Award”. La tradizion seniche taliane de Comedie de Art, che ae academie civiche udinese e je studiade cun atenzion, e je stade preseade dal public componût des compagniis che a vegnin dal Maroc, Indonesie, Coree dal Sud, Oman, Egjit, Liban, Spagne, Tunisie. (A.I.) – 02.08.2002