La anteprime di “Udin&Jazz” e rive di Cuba

Anteprime di “Udin&Jazz” joibe di sere li dai zardins “Loris Fortuna” cu la proiezion di un cine che al è un cult, sedi musicâl che cinematografic: “Buena Vista Social Club” di Wim Wenders, che daspò di 25 agns de sô jessude al torne in version restaurade par contâ la storie e la musiche di un grup di vecjuts cubans aromai di liende. La colaborazion di Euritmica cul Cec/Visionario e va indevant la setemane che e ven, inte arene al viert dal Zardin grant, cu la Zerorchestra (ai 9 di Lui), e i concierts dal ghitarist Marc Ribot (ai 13 di Lui) e di Daniela Pes (ai 14 di Lui), il non gnûf plui impuartant de sene taliane. (A.I.) – 03.07.2024