La atore Lucia Mascino a S. Denêl par dôs seradis

Atore di rare intensitât e talent, Lucia Mascino e sarà protagoniste par dôs seradis tal Auditorium “Alla Fratta” di S. Denêl. Martars ai 18 e interpretarà il monolic scrit e diret par jê di Lucia Calamaro, “Smarrimento” (Disorientament), e miercus ai 19 e dialogarà cun Alessandro Venier pe stagjon di “LeggerMente”, in dôs seradis realizadis dal circuit dal ERT e de associazion LeggerMente. Lucia Calamaro, une des autoris e regjistis plui interessantis de sene contemporanie, e conte in mût origjinâl la “sindrome de pagjine blancje”, ven a stâi cuant che un scritôr o un artist nol rive plui a produsi gnovis ideis o a puartâ indevant il propri lavôr creatîf. (A.I.) – 17.02.2025

Foto di M. Mariotti