La coghe di Raviei: di Masterchef al cine

De finâl di Masterchef Italia 8 al Visionario di Udin par “Ein Prosit 2023”: la chef cjargnele Gloria Clama, titulâr dal ristorant Indiniò di Raviei, e sierarà cul so menù “anti straçarie” la proiezion di “Non morirò di fame”, joibe ai 19 aes 7.30 sot sere. Il cine, contant la rinassite di un rapuart jenfri pari e fie traviers la cusine, al fronte il teme de sostignibilitât e al puarte une firme che Gloria e cognòs ben: Umberto Spinazzola, che al sarà presint in sale, un dai regjiscj di Masterchef Italia. Il menù preparât di Gloria Clama pe ocasion al è ispirât al teme dal “recupar”, cun macarons al frant, chips di pan, puar brusât, coce in rafiol, spaghet sostignibil e cremôs al fen. (A.I.) – 18.10.2023