La Corâl de Cappella Sistina in Friûl par une serie di concierts

“La propueste culturâl in Friûl Vignesie Julie e je daûr a cressi tant e al è un onôr ospitâ di gnûf dopo trente agns la Cappella Musicale Pontificia Sistina cuntune rassegne che e je ancje ocasion par fâ rêt tra citâts che a son simbul de storie e de culture religjose de nestre regjon”. L’assessôr regjonâl aes Ativitâts produtivis e turisim Sergio Emidio Bini al à acetât cun chestis peraulis la presentazion de rassegne di sîs apontaments che la corâl e puartarà in Friûl Vignesie Julie in ocasion de Fieste dai Sants Ermacore e Fortunât, patrons de Regjon, di Udin e di Aquilee. La Cappella Musicale Pontificia Sistina e sarà protagoniste di varis concierts ai 11 di Lui, aes 8.45 sot sere, a Aquilee inte Basiliche di Sante Marie Assunte; ai 13 di Lui aes 8.30 sot sere inte Catedrâl di Udin; ai 14 di Lui aes 8.30 sot sere a Triest inte Catedrâl di San Giusto. Infin ai 15 di Lui aes 8.30 sot sere a Spilimberc intal Domo di Sante Marie. (A.D.G.) – 08.07.2022 – com.