7
La Corâl Polifoniche di Rude e torne a Rome, vinars al 1 di Novembar, su invît de corâl feminine Eos, par un conciert inte basiliche de Sante crôs in Jerusalem. Il conciert – che al à par titul “In paradisum” – al vûl jessi prin di dut un moment di riflession pe fieste dai Sants e tal stes timp un memoreament par ducj i defonts. La serade e sarà vierte de corâl romane, dirette di Fabrizio Barchi, e po dopo la corâl furlane direte di Fabiana Noro, cul acompagnament di Gabriele Rampogna aes percussions e Matteo Di Bella al piano. De sô costituzion, a son za passe une desene lis trasfiertis inte capitâl pal Polifonic. (A.I.) – 31.10.2024
