La Corâl di Rude invidade a Basilee

La plui internazionâl des corâls talianis, il Polifonico di Rude diret di Fabiana Noro, si esibirà sabide al 1n di Avrîl inte suaze de glesie luterane S. Paulus Kirche di Basilee. E je la enesime trasfierte in Europe pe corâl furlane, che dal 1972 si esibìs tal forest. Cheste volte l’invît al è rivât dai responsabii culturâi de glesie svuizare, che di decenis a organizin concierts di rilevance particolâr, invidant soliscj, orchestris, cuartets e corâls di dute Europe. Il Polifonico di Rude, acompagnât al piano di Ferdinando Mussutto e aes percussions di Gabriele Rampogna, al presentarà il so program di sucès “Contrasti sonori”. (A.I.) – 31.03.2023