Dopo il sucès intes ultimis dôs stagjons cun “Funeral Home”, a tornin in Friûl-Vignesie Julie Daniela Cristofori e Giacomo Poretti. La cubie e sarà ospite in vot teatris regjonâi cu la comedie “Condominio mon amour”, scrite intune cun Marco Zoppello, anime di Stivalaccio Teatro, che al cure ancje la regjie. Il spetacul al larà in sene pal circuit dal ERT martars ai 25 e miercus ai 26 tal Teatri “Bonezzi” di Monfalcon, joibe ai 27 tal “Sociale” di Glemone e vinars ai 28 tal Teatri “Benois-De Cecco” di Codroip. La dì dopo, sabide ai 29, Cristofori e Poretti a saran ospits dal Teatri Gnûf “Giovanni da Udine”, za plen in prevendite. Il spetacul al è une comedie contemporanie cun dôs visions opuestis de realtât: di une bande il valôr dal rapuart uman, di chê altre il progrès digjitâl a cost di ducj i coscj. (A.I.) – 24.03.2025
Foto di F. Buscarino
