98
La rivoluzionarie encicliche di Pape Francesco, un imni universâl ae fradilance, e devente musiche: sabide ai 18 tal Auditorium “Zotti” di S. Vît dal Tiliment al sarà al centri dal conciert “Fratelli tutti” (Fradis ducj), cun 15 tocs origjinâi e 65 personis – musiciscj e coriscj- che a laran sù sul palc par une serade di grandis emozions. La cjantade seniche curade di Nicola Milan e torne a lei e e ripropon in musiche i concets contignûts inte encicliche, tornantju a lei ae lûs de atualitât e ufrintsi tant che une opare universâl par rifleti sul significât de esistence: la fradilance. Lis leturis a saran fatis dal atôr Paolo Mutti. (A.I.) – 17.05.2024
Foto di L. d’Agostino
