La Fazioli e torne a scomençâ cun Angela Hewitt

Al torne a tacâ a Sacîl la stagjon di concierts de Fazioli Concert Hall, di joibe ai 2 di Novembar cu la grande pianiste canadese Angela Hewitt, une artiste che cul so larc repertori, la tecniche rafinade e un calendari di concierts simpri plen, e à une posizion uniche, tra lis plui impuartantis interpretis dal dì di vuê. Preseade in dut il mont, Angela Hewitt e à scuvierzût i pianos Fazioli intal 1995 a Sydney e di chê volte no ju à lassâts plui. Artiste discografiche pluripremiade, intal so conciert che al vierç la decime otave Stagjon de Fazioli e sunarà Mozart, Bach e Schumann. (A.I.) – 31.10.2023