La fieste dal cine e sielç une foto di Cinemazero

Marcello Mastroianni intune foto che e ven dai archivis di Cinemazero al è il protagonist de imagjin uficiâl de decime novesime edizion de “Fieste dal Cine di Rome”, che si fasarà dai 16 ai 27 di Otubar tal Auditorium Parco della musica Ennio Morricone. La fotografie, sielte fra lis desenis di miârs tignûts de associazion pordenonese par rapresentâ ancje in maniere internazionâl il festival roman, che al celebrarà il mît di Mastroianni cun cetantis altris iniziativis, al è un omaç al grant atôr a cent agns de sô nassite. Il ritrat al è stât fat dal fotograf american todesc Gideon Bachmann sul set di “8½” di Federico Fellini in une des sôs parts plui iconichis. Il clic al è conservât intal gnûf archivi climatizât di Cinemazero a Pordenon, che di decenis di agns al puarte simpri i tesaurs des sôs colezions intai lûcs espositîfs principâi dal planet. (A.I.) – 14.09.2024