La grande liriche e torne al Teatri “Verdi” di Pordenon cuntune des oparis mestris plui grandis di ducj i timps: joibe ai 19 e sarà di sene “La Traviata”, un dai titui plui amâts dal melodrame talian, cu la Orchestre e la Corâl de Fondazion Teatri Liric “Giuseppe Verdi” di Triest. La gnove version dal Ent liric triestin di chel che al è un at di amôr par une femine disperade, vitime di un mont dispietât, si caraterize pe coerence e pal rigôr dramaturgjic dal regjist francês Arnaud Bernard, che al esalte il contrast tra il conservatorisim de epoche e il scandul de tribulade vicende di amôr, “cjantade” dal tenôr di innomine internazionâl Francesco Demuro e di Maria Grazia Schiavo, direts di Enrico Calesso. (A.I.) – 18.12.2024
Foto di F. Parenzan
