La Istât contade cui filmins des feriis

Al sarà presentât in anteprime martars ai 24 al Rossetti, dentri dal Trieste Film Festival, il gnûf curtmetraç de regjiste Laura Samani, za David di Donatello tant che miôr esordient par “Piccolo corpo” e miôr rivelazion europeane ai Efa pe stesse pelicule. “L’estate è finita – Appunti su Furio”, nassût di un progjet dal Sisteme regjonâl des mediatechis dal Fvj, al dopre i fonts dal archivi coletîf “Memoriis animadis di une regjon” – un progjet di racuelte e digjitalizazion par tornâ a doprâ i cines amatoriâi – par contâ la fin di une Istât e la sensazion di pierdite che e puarte. (A.I.) – 23.01.2023