La leç sul divorzi e devente teatri ‘partecipât’

Pai cincuante agns dal referendum sul divorzi volût dal udinês Loris Fortuna, “L’Assemblea” e devente “Straordenarie”: il spetacul di teatri partecipât, ideât e diret de regjiste Rita Maffei cu lis atoris Ada Delogu e Nicoletta Oscuro, ancje cjantante, il musicist Matteo Sgobino e lis partecipantis al laboratori, al riflet su lis relazions e su la pussibilitât di lassâsi cence par chest riscjâ la vite. La ‘Assemblee Straordenarie’ e debute joibe ai 31 e po dopo e va indenant dai 2 e fint ai 24 di Novembar, no ducj i dîs, intal spazi realizât de senografe Luigina Tusini inte sale “Carmelo Bene” dal Teatri “Palamostre” di Udin pe stagjon “Teatro Contatto In Real Life”. “No fevelarìn dome di divorzi – e declare la regjiste Rita Maffei – ma l’aniversari al sarà il rimpin par rifleti su la capacitât che dutis e ducj o vin di acetâ e frontâ la pussibilitât di lassâsi cence par chest riscjâ la vite”. (A.I.) – 30.10.2024