La musiche di Bach pai popui in vuere

Apontament cu la danze inte stagjon di Sacîl, promovude dal Comun e dal circuit dal ERT. Vinars ai 14 tal Teatri “Zancanaro” e rive la Compagnie dal coreograf e danzadôr Virgilio Sieni cun “Suonate Bach” (Sunadis Bach) la gnove version di un spetacul che al à vût grant sucès intal 2006. Sul palc dal teatri sacilot si esibiran – su lis Trê sunadis par viole e piano di Johann Sebastian Bach, fatis dal vîf di Naomi Berrill e Vittoria Quartararo – i danzadôrs de compagnie. “Sunadis Bach” al nas tant che riflession su lis tragjediis che a colpissin lis popolazions civîls intai teatris di vuere, cjapant ispirazion di undis avigniments emblematics intai conflits che a son sucedûts dai agns Nonante a vuê. (A.I.) – 13.02.2025

Foto di O. Caponnetto