La musiche ‘miracolose’ in Academie

Al sarà tant plui di un conciert il secont apontament de stagjon musicâl de Accademia Antonio Ricci, in program miercus ai 12 intal Salon dal Parlament dal Cjistiel di Udin aes 6 dopomisdì. A jessi tant braurose e je la presidente, Flavia Brunetto, che e à volût l’event cun protagoniscj il pianist Francesco Nicolosi e il critic musicâl Stefano Valanzuolo, condutôr su Radio3, dai programs Suite e WikiMusic. Il spetacul, dal titul ‘La musica miracolosa’, al è gjavât fûr de storie e liende dal pianist e compositôr polac e ebreu Wladyslaw Szpilma,n sierât intal ghet di Varsavia, salvât in graciis dal rapuart inteletuâl cuntun uficiâl nazist apassionât di piano. (A.I.) – 11.10.2022