La musiche pai fruts sot dai 13 agns

Al è il prin festival talian di musiche dedicât ai fruts di 0 a 13 agns e al sarà ai 5 e ai 6 di Otubar li dal Mulin Braide di Flambri, in comun di Talmassons. Il “Fruts Festival” al promet di jessi une esperience uniche e apassionante, che e zirarà ator di ativitâts musicâls di ducj i gjenars, dut a jentrade sore nuie. Tancj i concierts che si alternaran su doi palcs: chel di Aurora Rays, nomenade intal 2022 ai “Independent Music Awards” inte categorie “miôr 50 artiscj intal mont”. E po dopo, I Maistah Aphrica, un coletîf cun nons di spic de sene jazz furlane, il ghitarist Duranti, Laura Giavon e Giacomo Serino e tancj altris. (A.I.) – 04.10.2024