La musiche scrite e imagjinade par danzâ e je la ispirazion par contâ cheste tiere in dialic e e je la protagoniste di “Danzis di confin”, un conciert speciâl contât dal scritôr Angelo Floramo cu la Orchestre zovine Filarmonici Friulani, vinars ai 20 aes 6.30 dopomisdì tal Cjistiel di Glemone. Il spetacul al segne un percors storic e gjeografic dal Rinassiment fint ae contemporaneitât, fat traviers la musiche pe danze, espression al stes timp sacre e profane, culte e popolâr, publiche e privade. La danze tant che espression popolâr e à cjatât intal Friûl un grant disvilup, testemoneât a tacâ dal ‘500. La “Furlane”, daspò cualchi an, e deventarà une des danzis plui in voghe in Europe, e le scrivaran autôrs tant che Bach, Couperin, Ravel. (A.I.) – 19.09.2024
La musiche scrite par balâ
8
