La opare inte Vile a Puçui

Dal 2018, la associazion musicâl vienese Operaprima-Wien e inmanee chi di nô progjets di oparis lirichis dedicadis al melodrame talian. La idee di fonde e jere chê di puartâ la opere in lûcs che, se no, no le varessin mai vivude, tirant dentri – e cheste e je la robe plui impuartante – dute la comunitât. Par chest Istât, il president e diretôr artistic Tiziano Duca al à sielt une propueste dople, leade aes celebrazions pai cent agns de muart di Giacomo Puccini. Vile Gradenigo Sabbatini a Puçui e sarà ancjemò la suaze di une opare liriche, anzit dôs, parcè che a saràn proponudis – la ‘prime’ ai 31 di Avost e lis replichis il prin e ai 3 di Setembar – lis oparis “Gianni Schicchi” e “Cavalleria rusticana”, une daûr di chê altre te stesse sere. In vore di dîs mês, il “Progetto Puccini” si fonde suntune sorte di volontariât che al inricjìs lis personis: no dome il public, ma soredut cui che al met a man lis sôs capacitâts par fâ i costums, tirâ su’ lis senis e dâ acet ae orchestre, la corâl e i cjantants. (A.I.) – 30.08.2024