La opare mestre di Svevo in doi spetacui

La opare mestre di Italo Svevo “La coscienza di Zeno” e rive inte stagjon de Fondazion Bon al Teatri “Bon” di Culugne cuntun spetacul dopli: “Uno, due… Svevo!”. Joibe ai 19 a saran doi i moments dedicâts a cheste opare mestre de leterature taliane, che intal 2023 e à celebrât i siei 100 agns  Si scomence cul spetacul teatrâl “La Guerra, Herr Schmitz… la Guerra!” (La Vuere, Herr Schmitz… la Vuere!”) di Fulvio Senardi. La seconde part de serade e sarà caraterizade pardabon di un viaç musicâl dentri dal romanç cun “Quell’ordigno lassù al centro della Terra” (Chel argagn là sù al centri de Tiere”, proponût dal grup strumentâl Lumen Harmonicum – che al à fat un un progjet sostignût de Regjon Friûl-Vignesie Julie, presentât in variis sedis – diret di Nicola Hansalik Samale, cu la vôs che e recite di Massimo Zacchigna. (A.I.) – 18.12.2024