La orchestre europeane dai zovins e torne in ‘residence’ a Pordenon

Cun 120 musiciscj che a vegnin di dute Europe, tra i 18 e i 26 agns, al torne al Teatri “Verdi” di Pordenon pal otâf an consecutîf la plui famose e celebrade orchestre di zovins tal mont, la Gustav Mahler Jugendorchester, che e selezione i miôr zovins musiciscj europeans. Un progjet presentât dal President dal “Verdi”, Giovanni Lessio, cul consulent musicâl Maurizio Baglini e il sorintendent de GMJO, Alexander Meraviglia-Crivelli. A nivel di capitâls musicâls tant che Viene, Amburc, Dresde e Salisburc, Pordenon e sarà tape ancje chest an de GMJO, cu la grande novitât de dople residence artistiche: di là dal solit periodi dal mês di Avost, di fat, la Orchestre fondade di Claudio Abbado e sarà a Pordenon ancje tal mês di Mai, sot de vuide di une des bachetis principâls dal panorame mondiâl, Daniele Gatti. (A.I.) – 30.03.2023