La “Passion” di Bach e met intun Udin e Triest

In ocasion de Cuaresime, lis catedrâls di Udin e di Triest si unissin in musiche in graciis de “Passione secondo Giovanni” di Johann Sebastian Bach e de colaborazion de Orchestre de Fondazion dal Teatri Liric “Giuseppe Verdi” di Triest cu la Corâl dal Friûl-Vignesie Julie. Pe opare mestre di Bach, un conciert straordenari al è in program miercus ai 26 intal Domo di Udin e il dì dopo a S. Just, sul podi de orchestre al sarà Giulio Prandi, innomenât pe sô soliditât intal repertori antîc e baroc.  Componude di cuarante numars, la famose “Johannes-Passion”, un monument dal Bach madûr, e unìs tescj di varie divignince. Ae Corâl si zontaran vôs di presi, tant che il zovin tenôr irlandês Robin Tritschler, il bariton cilen Christian Senn, la sopran di formazion vienese Vittoriana De Amicis, il mieç sopran di repertori baroc Marta Fumagalli, il tenôr Manuele Amati e il zovin bas Manuel Sedmak. (A.I.) – 25.03.2025