La prime residence artistiche, tignude de cjantante Chiara Luppi, si jere sierade cuntun conciert une vore preseât. Cumò, altris cinc talents, selezionâts des universitâts di musiche plui prestigjosis de Europe, a saran i protagoniscj di un gnûf apontament di “More Than Jazz”, rassegne inmaneade di SmulArte. Cheste volte, ae vuide al sarà un altri non di ecezion: la pianiste e compositore Rita Marcotulli, la prime femine in assolût a vê il David di Donatello tant che miôr compositore intal 2011 pe colone sonore dal cine “Basilicata Coast to Coast”. L’apontament al è par joibe, il prin di Avost, tal Zardin “Del Torso” di Udin (o tal Palamostre se al ves di plovi). In sieradure de masterclass che si è tignude li de Fondazion Bon di Culugne, Rita Marcotulli e sarà in conciert cuntune gnove formazion dal Eu New Generation 5et. (A.I.) – 31.07.2024
La pianiste Marcotulli cui talents zovins
46
