Cinemazero al puarte la poesie sul grant schermi, di miercus ai 14 a sabide ai 17, in ocasion de 23e edizion di Pordenonelegge. “Poesia doc: raccontare i poeti al cinema” al è il titul de propueste che la associazion culturâl e à elaborât in ocasion dal festival leterari. Il percors di proiezions a jentrade libare al scomence e si siere in onôr a Pier Paolo Pasolini, intal an dal centenari de nassite. Miercus ai 14 e je la volte di “Appunti per un’Orestiade africana”, un cine documentari dal 1970, cul intervent musicâl di Pasquale Innarella. Joibe, al è programât un docu-film su la opare poetiche di Andrea Zanzotto, vinars ai 16 la conte de vite dal romanzîr Gianni Celati e sabide ai 17 “Pasolini 11#22”, une microstorie dal autôr in Friûl in undis episodis. (A.I.) – 12.09.2022
La poesie sul grant schermi cun storiis di scritôrs
170