La pôre de bombe cuant che al jere Kennedy

Prins doi apontaments di Fevrâr cu la rassegne sul president Kennedy proponude de Cineteca del Friuli al Cine-Teatri “Sociale” di Glemone inte suaze de mostre vierte fin a Jugn in Cjistiel. In program, i doi cines plui impuartants sul teme dal pericul atomic: “Il dottor Stranamore” di Stanley Kubrick, in program miercus ai 7 di Fevrâr e “A prova di errore” di Sidney Lumet, miercus ai 14 di Fevrâr. Zirâts intal 1963, cuant che Kennedy al jere ancjemò in vite, ma jessûts intal 1964 dopo de sô muart, i doi cines a contin il pericul atomic che al à segnât a fuart la presidence di John F. Kennedy, preocupât di salvâ la umanitât de distruzion e disponibil a mediâ cu la Union Sovietiche. (A.I.) – 06.02.2024