348
La Regjon Friûl Vignesie Julie e à inmaneât un conciert-event de Fvg Orchestra organizât par onorâ i propris mecenats. O sedi chei che, dal 2020 al 2022, a àn doprât il strument dal Art Bonus par sostignî i progjets plui diviers leâts aes ativitâts culturâls e ae valorizazion dal patrimoni culturâl dal teritori. L’apontament vinars ai 11 aes 6 sot sere al Teatri Palamostre di Udin. Direts di Paolo Paroni, i professioniscj de sinfoniche regjonâl a sunaran musichis di Verdi, Puccini, Cilea e Rossetti, acompagnâts dal sopran Claudia Mavilla e dal bas Simone Di Eusanio. Il conciert al è a gratis e viert al public fin a esauriment dai puescj. (A.I.) – 09.11.2022
