La ‘sene des feminis’ e doplee ai 8 di Març

Pe Zornade Internazionâl de femine, la rassegne “La sene des feminis”, direte di Bruna Braidotti e organizade de Compagnia di Arti e mestieri, e doplee. Si scomence martars ai 7 di Març al Auditorium Concordia di Pordenon cuntune des interpretis plui preseadis dal teatri talian, Laura Curino, in sene cun Lucia Vasini in “L’anello forte”, scrit e diret di Anna Di Francisca: un omaç aes feminis che il scritôr e partesan Nuto Revelli (1919-2004) al à contât daspò vê racuelt lis testemoneancis. Miercus ai 8 la rassegne e va indevant a Cjanive, inte Oficine Villa Frova, cun “La commedia delle donne”, il spetacul di sucès dal repertori de Compagnia di Arti e mestieri, che al à vinçût intal 2013 il Premi di dramaturgjie feminine “Mariangela Melato”. (A.I.) – 06.03.2023