La serie Tv su Mussolini zirade ancje chi di nô

Al è ancje un toc di Friûl inte serie televisive “M – Il figlio del secolo (Il fi dal secul)”, adatament dal omonim romanç storic di Antonio Scurati, vincidôr dal Premi “Strega” tal 2019. Direte dal regjist britanic Joe Wright, dividude in vot episodis, cun Luca Marinelli a interpretâ Benito Mussolini, la produzion presentade in anteprime mondiâl ae Mostre di Vignesie e à rivuardât ancje il Friûl-Vignesie Julie, aromai protagonist intes grandis produzions nazionâls e internazionâls, cjapant dentri in dodis dîs di ripresis plui o mancul 150 comparsis e 20 professioniscj di chenti. Tra i lûcs sielts, in graciis dal contribût de FVG Film Commission – PromoTurismoFVG, a risaltin Gurize e la Basiliche patriarcjâl di Aquilee, ma ancje il Puart Vecjo di Triest e la Amidarie Chiozza di Rude, une testemoneance imponente di archeologjie industriâl. (A.I.) – 09.01.2025