217
La FVG Orchestra e devente part des Ico, lis Istituzions Conciertistic Orchestrâls ricognossudis dal Ministeri de culture, che a son al moment dome 14: un ricognossiment duncje ancjemò plui grandiôs pe orchestre regjonâl: i siei progjets a podaran cussì jessi finanziâts in maniere direte dal Ministeri e dal Font unic pal spetacul (FUS). Deventâ une Istituzion conciertistic-orchestrâl al jere scuasi impussibil di timp: di tancj agns, di fat, lis orchestris ricognossudis dal Ministeri de culture a jerin fermis simpri al stes numar. Cumò, la viertidure a gnovis istancis e à fat rivâ chest obietîf, otignint fintremai il secont risultât di ponts nazionâl. (A.I.) – 14.11.2022
