La sinfonie dai planets sunade di doi pianos

Gnove tape a Udin pal festival internazionâl di musiche e teritoris “Nei Suoni dei Luoghi” (Intai Sunôrs Dai Lûcs), rivât ae sô vincjesime seste edizion. Miercus ai 31, inte elegante cort di Palaç Valvasone Morpurgo, l’Amadeus Piano Duo formât di Valentina Fornari e Alberto Nosè, al sarà protagonist di un conciert inte suaze di “Udinestate” 2024. I doi musiciscj a sunaran pe ocasion “I pianeti” di Gustav Holst, che chest an al celebre i siei 110 agns, inte version dome par doi pianos. La opare e je formade di siet tocs, ognidun dedicât a un planet dal sisteme solâr, passe la Tiere. Il conciert al è a jentrade libare, ma viodût il numar limitât di puescj si consee di prenotâ, scrivint a prenotazioni@associazioneprogettomusica.org. (A.I.) – 30.07.2024