La storie dal cjaçadôr di naziscj

Dongje de Zornade de Memorie, il Teatri Gnûf “Giovanni da Udine” al puarte in sene martars ai 24 (e il dì dopo la matine pes scuelis) “Il cacciatore di nazisti: la vita avventurosa di Simon Wiesenthal”, scrit e diret di Giorgio Gallione e interpretât di Remo Girone. Un spetacul che al ripasse i moments plui emblematics de vite di un om che al à patît l’orôr de Shoah e dai cjamps di stermini, ma al sorevivè, dedicant dute la sô esistence a cjatâ fûr e a consegnâ al judizi i criminâi responsabii de muart di plui di 11 milions di personis. Par 58 agns, cul so lavôr di ricercje e investigazion, al à consegnât ae justizie plui di 1000 criminâi di vuere de Shoah. (A.I.) – 23.01.2023