La storie di doi paris dividûts de vuere

La leture seniche “Salām/Shalom” di e cun Massimo Somaglino e Alessandro Lussiana, un progjet di “vicino/lontano” e CSS, Teatri stabil di inovazion dal F-Vj, gjavade fûr di “Apeirogon”, il libri di Colum McCann che al à vinçût il Premi Terzani tal 2022, al è in program par vinars ai 24 li dal Cine Teatri “Sociale” di Glemone. La iniziative e je promovude de Buteghe dal Mont – Glemone APS, che e lavore di cuasi 35 agns a pro di un cumierç plui just e par promovi i temis de justizie e dai dirits ancje tal nestri teritori. Il spetacul al da vôs a doi paris che a esistin pardabon, l’israelian Rami e il palestinês Bassam, dividûts de vuere ma leâts dal stes sclopecûr pe pierdite des lôr frutis, ognidune copade de vuere di chel altri. (A.I.) – 23.05.2024