La storie di Mingus cui Quintorigo un tic “furlans”

Il jazz al torne protagonist tal teatri Pasolini di Çarvignan cun “Mingus, la storia di un mito”, sabide ai 16 pe stagjon musicâl curade di Euritmica. Al è un spetacul di musiche e peraulis, la trasposizion dal disc “Play Mingus”, cun al centri la figure di Charles Mingus: ribel, antirazist, anticonformist, ma soredut un dai musiciscj cun plui talent in dute la storie dal jazz. In ocasion dai cent agns de nassite, i Quintorigo – cul furlan Alessio Velliscig ae vôs – a dedichin un gnûf omaç al compositôr american, cu la straordenarie partecipazion di Gino Castaldo, gjornalist e critic musicâl, condutôr pe radio e divulgadôr musicâl, un dai pôcs che a àn cognossût di persone il grant mestri. (A.I.) – 15.03.2024