La storie di trê vedrans dal cine al teatri

Al torne sui palcs dal Circuit Ert, dopo la tournée dal 2022, “Tre uomini e una culla”. La comedie, gjavade dal cine cul stes titul, un sucès dal 1985 ancje di incàs, e je stade scrite de stesse autore e regjiste dal cine, Coline Serreau. La version taliane, prodote dai gurizans Artisti Associati, e je direte di Gabriele Pignotta e e presente tant che protagoniscj il stes regjist, Giorgio Lupano e Attilio Fontana. Il spetacul, ambientât intun grant apartament di lus intal centri di Parîs, dulà che a convivin in armonie trê vedrans impenitents, al rivarà joibe ai 2 di Març al Candoni di Tumieç, vinars ai 3 al Zancanaro di Sacîl e sabide ai 4 al Verdi di Manià. (A.I.) – 01.03.2023