La tragjedie greghe e zire il circuit Ert

Gjavât fûr de tragjedie “Le Supplici” di Euripit, scrite intal 423 p.d.C., il spetacul cul stes non diret di Serena Sinigaglia al è in sene intal circuit dal Ert, lunis ai 10 tal Teatri “Benois De Cecco” di Codroip, martars ai 11 a Monfalcon, miercus ai 12 tal Pasolini di Cjasarse. La dramaturgjie, curade di Serena Sinigaglia e Gabriele Scotti, e tache dal test di Euripit inte traduzion di Maddalena Giovannelli e Nicola Fogazzi, ven a stâi la storie des siet maris dai erois di Argos colâts aes puartis di Tebe, daûr de conte di Eschilo, che a van a Atene par domandâ al Re Teseu di recuperâ i cuarps dai lôr fîs – ma cu la zonte di tocs di autôrs tant che Emil Cioran, Nicolò Machiavelli e Platon. (A.I.) – 10.03.2025