66
La ‘Gnot blancje’ e doplee. L’avigniment che par solit al vierç il mês di Lui a Udin al devente une “doi dîs” dedicade al divertiment, par celebrâ ducj adun il principi dal Istât. Il program di cheste edizion di fat al devente plui siôr, cubiant l’inviament des licuidazions estivis ae musiche, chê dal “Conciert dal jevâ” e al plasê di stâ insiemi, cul insolit ghiringhel di “Di punto in bianco”, che al à za 2.200 iscrits. Si scomençarà la sere di vinars ai 5 di Lui cul anticip des licuidazions estivis in citât e lis buteghis viertis fint a miezegnot. La matine di sabide ai 6, conciert dal jevâ cul trombetist Roy Paci e di sere une cene ducj vistîts di blanc intes stradis di Udin. (A.I.) – 11.06.2024
