La ultime “lidrîs salvadie” a S. Martin di Voleson

Il centri di residencis artistichis e rassegne teatrâl “Radice selvatica” (Lidrîs Salvadie”) al salude la sô prime stagjon – dopo chê di “prove” dal an passât – cuntun spetacul dedicât al rapuart, necessari e conflituâl, tra om e nature. “Approaching Humans, Performing Naturis”, in sene sabide ai 28 aes 5 dopomisdì intal parc di Vile Centis a S. Martin di Voleson, al esplore il spazi e il timp, tant che ambient naturâl e ritmi vitâl. Lis oparis di land art, la art de nature, dal artist visîf Paolo Primon e lis composizions in acustic di Timber Rattle a compagnin lis improvisazions di ecuilibrisim di Davide Visintini e la danze di Carolina Braus. Il spetacul al invide il public a vivi l’ambient in mût gnûf, intun procès organic di riscuvierte di se.  (A.I.) – 27.09.2024