La vite di Tavan intun spetacul a teatri

Dopo il sucès de prime regjonâl tal mês di Mai, al va in sene vinars ai 23 inte Cort di Palaç Morpurgo a Udin, dentri dal calendari di “Armonie in città”, la opare teatrâl “Io sono Federico Tavan”. Nassût de colaborazion di Morganti Editori cu la Fondazion Luigi Bon di Culugne, il spetacul, ispirât ae vite di Federico Tavan (Andreis 1949 – 2013), al è l’adatament dal romanç de scritore Stefania Conte, che pe cjase editore Morganti, là che e sta ancje curant une golaine di monografiis critichis dedicadis ai viers dal poete furlan. Chest an al sarès stât il setantesim cuint aniversari de nassite. Il sipari al va sù tacant dai 5 di Novembar dal 2013, il dì dal complean di Tavan, impersonât dal atôr e dopleadôr Werner Di Donato, acompagnât de musiciste e cjantautore Andrea Bitai. La jentrade e je sore nuie fint a esauriment dai puescj, cemût che al varès volût il poete di Andreis. (A.I.) – 22.08.2024