A cent agns de nassite de “Divine”, la regjine assolude de liriche Maria Callas, sopran dramatic cuntune vite personâl e une cariere di mît, “Carniarmonie” i dediche un conciert spetacul. Martars al prin di Avost te Sale ‘L’Alpina’ di Comelians, l’Ensemble Musica Civica al presente “Vissi d’arte, vissi per Maria”. Cul innomenât atôr Giampiero Mancini a daran vite a une dramaturgjie origjinâl su tescj e ideazion di Roberto D’Alessandro, in graciis di une sofisticade tecniche di inzegnarie acustiche che e permetarà di scoltâ ancjemò la vôs de Callas dilunc des esecuzions, in sincronie perfete. (A.I.) – 31.07.2023
La vôs de ‘Divine’ a Comelians
113