138
Il cjantautôr udinês Piero Sidoti al puartarà joibe ai 15 aes 9 di sere il so spetacul “Amore [fino a prova contraria]” al Parc di Sant Svualt di Udin, in ocasion de rassegne “Bistroquet, cove par viandants”. Il spetacul al cjape dentri lis cjançons dal album di Sidoti cul stes titul. La tierce racuelte di cjançons di un autôr che al à ancje vinçût la Targa Tenco, pal so lavôr di esordi, e à tant che denominadôr comun i sintiments e lis emozions, dulà che si cjantin storiis di amôr imperfetis, faladis e sflandorosis, ma soredut storiis di amôr umanis. Il spetacul al è une meditazion contade e cjantade sot forme di flabe, un percors dentri di nô, par rinassi e cjapâ contat cu la nestre bande plui vere. (A.I.) – 13.09.2022
