Le Orme a sielzin il Friûl pal ultin conciert dal tour

A Stevenà di Cjanive, vinars ai 4 di Otubar te Vile Frova, al è in program un conciert dal grup musicâl Le Orme, l’ultin dal lôr tour estîf, un apontament tant spietât dai tancj apassionâts de band veneziane, une di chês plui innomenadis, e no dome in Italie, par chel che a clamin “rock progressîf”. Sul palc, vuidâts dal baterist Miki Dei Rosis, a saran Michele Bon aes tastieris, Luca Sparagna vôs e bas eletric e Aligi Pasqualetto al piano. La iniziative e nas de colaborazion tra la associazion culturâl Folkgiornale – che e inmanee la rassegne “Folkest” – e il Comun di Cjanive. (A.I.) – 02.10.2024