Inaugurazion in musiche pes stagjons 2024/2025 dal Ert, l’ent regjonâl teatrâl dal Friûl-Vignesie Julie. Adun cul Teatri Stabil dal Friûl-Vignesie Julie, al promôf joibe ai 5 tal Politeama Rossetti di Triest “Nel cuore dell’Europa” (Intal cûr de Europe), un avigniment dentri de programazion di GO!2025. Un conciert emozionant cuntun grup gnûf, la NordEst Sinfonia Orchestra direte di Marco Feruglio, che e met in conession lis tantis ecelencis intal cjamp de musiche classiche che si son formadis in regjon e che vuê a son deventâts professioniscj innomenâts intes orchestris internazionâls principâls. Al violin solist Anna Tifu, la vere stele di une serade dute dedicade al snait e ae lizerece de musiche francese cun tocs di Camille Saint-Saëns, Maurice Ravel, Gabriel Fauré e Francis Poulenc. (A.I.) – 04.09.2024
Foto di E. Casareto
