48
Un avigniment unic pal circuit dal ERT e une esclusive pal Friûl-Vignesie Julie: martars ai 4 al larà in sene “Toccando il vuoto” (Tocjant il vueit), la version taliane dal aclamât test dal dramaturc scozês David Greig. Il spetacul, che al à debutât a Bristol intal 2018 inte version origjinâl, al puartarà sul palc dal Gnûf teatri Arrigoni di Dartigne – za dut plen in prevendite – la vicende dramatiche dai alpiniscj Joe Simpson e Simon Yates e la lôr spedizion dal 1985 intes Andis peruanis, puartade ancje al cine intal 2003. Intal rûl principâl, Lodo Guenzi, che al à studiât recitazion te Academie “Nico Pepe” di Udin prin di dedicâsi ae musiche cul grup rock Lo Stato Sociale. (A.I.) – 03.03.2025
Foto di A. Ciccalè
